Tuesday, December 21, 2010

ಬಾಲಿಶ ಕವನಗಳು !! 2

ನಿನ್ನ ನೆನಪದು ಬಂದು ಮಂದಹಾಸದಿ ಮಿಂದು
ತೆರಳುವುದು ತಾವರೆಯ ತೇರಿನಲ್ಲಿ
ಸವಿಗನಸು ನೆನಪಲ್ಲಿ ಸಾಗರವೇ ಕಾಣುವುದು
ಮರೆಯುವುದು ನಸುಬೆಳಗ ಜಾವದಲ್ಲಿ !!

ಮೇಲೆ ಚಿಮ್ಮುವ ಮುಗಿಲು ಕಾಣದಿಹ ನಭದಾಚೆ
ಮೂಡಿಸಿದೆ ಈ ಕಿರಣ ಹೊಳೆವ ಬಿಲ್ಲು
ಹಾಡಿಸಿದೆ ಹಕ್ಕಿಗಳ ಕೊರಳಿಗಿ೦ಪಿನ ಗಾನ
ತೂಗಿಸಿದೆ ಮರ ಮರದ ಹೂವು ಗೆಲ್ಲು

ಮುನಿವ ಬಿಸಿಲಿನ ಳಕೆ ಆರಿ ಮುತ್ತಿನ ಮಂಜು
ಹೀರಿ ಸಾಗಿದೆ ನನ್ನ ಪ್ರೀತಿ ನುಡಿಯ
ಮರಳಿ ಹೂ ಅರಳಿದೆ ನೀ ನೆಟ್ಟ ಗಿಡದಲ್ಲಿ
ಸಿಂಗರಿಸುತಿಹುದಿಂದು ನಿನ್ನ ಮುಡಿಯ

ಹೂವು ಅರಳುವ ಮುನ್ನ ಚಿವುಟದಿರು ಮೊಗ್ಗನ್ನ
ಪ್ರೀತಿ ಗಂಧವ ಚೆಲ್ಲಿ ಬೆಳೆಸು
ಹೂವಿನೆದೆ ಕಾಯಾಗಿ ಆಗಲದು ಸಿಹಿಮಾಗಿ
ಒಲವು ಗೆಲ್ಲಲಿ ಹಾಡಿ ಹರಸು 

೦೧/೦೩/೨೦೦೫

2 comments:

Anitha Naresh Manchi said...

laikiddu..

Anitha a said...

harasali aa ninna cheluve
hommali preetiya chilume