ಬಾಲಿಶ ಕವನಗಳು !! 8 ಬರಬೇಕೆಂದರೆ ಬರದಿಹ ಮನಸೇ

ಬರಬೇಕೆಂದರೆ ಬರದಿಹ ಮನಸೇ 
ಏಕೆ ಕಾಡುವೆಯೋ ಹೀಗೆ ?
ಇರಬೇಕೆನಿಸುವ ಕನಸುಗಳೆಲ್ಲ 
ಜಾರಿ ಹೋಗುವುದು ಹೇಗೆ?


ಮಾವಿನ ಮರದಲಿ ಹಾಡುವ ಕೋಗಿಲೆ 
ಮರೆಯಿತೆ ತನ್ನಯ ದನಿಯ?
ಹಾಡು ಮರೆತರೆ ಹಕ್ಕಿ ಬದುಕುವುದೇ ?
ತೊರೆಯಿತೆ ಮರದಾ ಪ್ರೀತಿಯ ?


ದುಂಬಿಯು ಮರೆತಿದೆ ಹೆಣ್ಣೂ ಮರೆತಿದೆ 
ಗಿಡದೀ ಮಲ್ಲಿಗೆ ಹೂವ 
ಅರಳುವ ಮೊದಲೇ ಮೊಗ್ಗೇ ಬಾಡಿದೆ 
ಇರದಿರೆ ಪ್ರೀತಿಯ ಜಾವ 


ಬಾರೆಯ ಮುಗಿಲೇ ಹರಿಸು ಕಣ್ಣೀರ 
ಶಾಂತವಾಗಲಿ ಬಾನು 
ನೀಡೆಯ ನೀನು ಕಡಲ ಒಡಲಿನಾ
ಕಹಿಗೆ ಒಂದು ಹನಿ ಜೇನು ?


೧೫/೦೧/೨೦೦೫