ಬರೆಯುತ್ತೇನೆಂದರೆ ಬರೆ ಎಳೆದಂತಲ್ಲವೇ .?

ಕಾದು ನಿಗಿ ನಿಗಿ ಕೆಂಡದ ಮಧ್ಯೆ
ಬೂದಿ ಮುಚ್ಚಿಸಿಕೊಂಡು
ಮತ್ತೆ ಊದುವ ಹಿತವಾದ ಗಾಳಿಗೆ ಮೈತೆರೆದು
ಪುನಃ ಬೆಚ್ಚಗಾಗುವ ಕಬ್ಬಿಣ

ಬೆಚ್ಚಗಾಗುಗುವುದೇನು ಮಹಾ ?
ಕೈಗೆ ಕೈ ಒರಸೆ ಬಿಸಿಯೆಂಬರೆ ಅದನು
ಒಲೆಯ ಒಳಗಡೆ ಬಿದ್ದು
ಬೆಂಕಿಯಾಟದಿ ನೊಂದು
ಕಾಯಬೇಕು!

ಮತ್ತೆ ಮೈ ತಾಕಿದರೆ,
ಚರ್ಮ ಉರಿದೇಳಲಿ
ಬೊಬ್ಬೆ ಕಣ್ಣೀರ್ ಬರಲಿ
ಸುಟ್ಟು ಸುಡಬೇಕೆಲ್ಲ , ಬೆಂಕಿಯಂತೆ

ಬರೆ ಎಳೆಯುವುದು
ಒಳ್ಳೆಯದಾಗಲಿ ಎಂದು
ಅದು ಬಿಟ್ಟು ಬರಿಯ ಸಿಟ್ಟೇನು ಇಲ್ಲ
ಹಾಗೆಯೇ, ಬರೆಯುತ್ತೇನೆಂದರೆ ಬರೆ ಎಳೆದಂತೆ ಅಲ್ಲವೇ ?

೦೬.೦೮.೨೦೧೧